Center da perscrutaziun d’energia alpin AlpEnForCe

Il Center per la perscrutaziun d’energia alpin AlpEnForCe ei ina fundaziun da retscherca senza la finamira da far gudogn cun sedia a Mustér. La fundaziun promova la retscherca interdisciplinara dall’energia cun risguard special dils cantuns da muntogna e las regiuns alpinas.

La fundaziun s’occupa d’aspects tecnics, economics, giuridics e politics che stattan en connex cun l’energia cun risguard particular dalla zona alpina. La fundaziun collaborescha cun instituziuns da retscherca naziunalas ed internaziunalas sco era cun associaziuns che han ils medems interess.

La Fundaziun Center da perscrutaziun d’energia alpin ei vegnida fundada la primavera 2016 a Mustér. Sper la perscrutaziun e la retscherca da pusseivladads futuras dalla producziun d’energia, organisescha ella era mintg’onn ils Dis da discussiun davart la perscrutaziun dall’energia a Mustér. Duront quels dis s’entaupan scienziats dil sectur dall’energia a referats e discussiuns en gruppas. Ina part da quels dis ei era in arranschament public cun differents referats.

Fenster schließen
Center da perscrutaziun d’energia alpin AlpEnForCe