Projects

Discuors davart la perscrutaziun dall’energia

Suenter la catastrofa nucleara dils 11 da Mars 2011 en il Giapun ha il cussegl federal decidiu l'extrada da l'energia nucleara pass per pass. Aschia duessan las ovras nuclearas existentas vegnidas messas ord funcziun suenter ch'il temps da menaschi ord vesta da la segirtad ein cuntonschius. Per saver pigliar si la munconza  cuntinuonta d'energia, ha il cussegl federal decidiu las suanontas mesiras en rama da la strategia d'energia 2050: Promoziun intensiva da l'effizienza d'energia, extensiun da l'energia ord l'aua e dad energias regenerablas, sche necessari, producziun dezentral d'energia entras indrez da colligiaziun d'energia ord calira ed ovras electricas da gas cumbinadas ed import dad energia. 

Ils "Discuors davart da perscrutaziun dall'energia Mustér" pussibiliteschan in inscunter internaziunal ed interdisciplinar denter perscrutaders ord il sectur d'energia e porschan aschia ina contribuziun custeivla tier la midada sin il sectur d'energia. Quell'occurrenza sedreza denton buca mo a la scienzia, mobein ad in vast publicum interessaus vid temas d'energia. L'occurrenza ha liug mintg'onn,mintgamai duront 3 dis en las localitads da la claustra da Mustér e vegn organisada da la fundaziun AlpEnForCe, en collavuraziun cun universitads e scolas aultas. Il schaner 2016, 2017, 2018 e 2019 ha gia giu liug cun success discuors davart da perscrutaziun dall'energia.

ils proxims discuors davart da perscrutaziun dall'energia han liug naven dils 22 entochen ils 24 da schaner en la claustra benedictiba da Mustér. Dapli infurmaziuns


Congress da stad

La discussiun interdisciplinara als discuors davart la perscrutaziun d'energia dad uonn a Mustér denter la scienzia e gestiunaris da la reit ha menau tier ina concretisaziun dall'opziun "producziun dad energia en las muntognas". Muort cundiziuns da producziun pli effizientas en las muntognas vegness duvrau 1/3 pli pauc spazzi per produzir 12 ThW energia solara, e quei tier pli aulta quantitad da producziun els meins critics digl unviern. Il tschentar si dretg ils moduls da PV (90 grads) porscha gest en las montognas pusseivladads supplementaras.

Ils indrez da PV en las montognas fan accessibla ina nova fontauna d'energia ord las montognas en svizzera. Las muntognas porschan gia in'impurtonta contribuziun tier la forza hidraulica. Gudogna las muntognas ussa era muntada cun la producziun dad energia solara?

Il schurmetg da la cuntrada e l'utilisaziun da la reit ein duas dils numerus e pretensius temas, che duessan vegnir discussiunai per ina realisaziun da 12 TWh energia solara ord las montognas per anflar ina soluziun consensuala. Quei congress metta e discussiun las experientschas scientificas e muossa pusseivlas vias per la realisaziun en barat cun la politica e cun las corporaziuns. Dapli infurmaziuns 



Fenster schließen
Projects